Alokatu ezazu zure garajea orduka, egunka edo hilabeteka eta lor itzazu diru-sarrera gehigarriak

Nire aparkalekua/garajea bateragarria da?

Gure ParkingDoor sistemari esker, bluetooth teknologiaren bitartez ireki daitezke garajeko ateak, gure aplikazio mugikorra erabilita, eta aginte bat erabilita bezain erraz irekitzen dira. Zure garajeak agintearen edo giltzaren bidez automatikoki irekitzeko aukera badu, bateragarria da.

Kontuan izan zerbitzua martxan jartzeko garajeko plazaren jabea izan behar duzula

Sistema segurua da?

ParkingDoor sistemak erabiltzen duen teknologiak enkriptazio sendoa ezartzen du bere komunikazioetan; hala, betiko garaje-aginteen segurtasun bera, edo are handiagoa ere, eskaintzen dizu.

Sarrera guztiak erregistratuta geratzen dira; beraz, edonoiz egiazta daitezke egindako aparkamenduak

Nolakoa da egiten den instalazioa? Gainerako etxejabeen irekitze-sistema honda dezake?

Gure ParkingDoor gailuaren teknologia erabiltzen dugu. Garajeko atearen ondoan ezarrita, hura irekitzeko aukera ematen du gailu adimendun txiki horrek. Oso instalazio erraza da, ez da inolako obrarik egin behar, eta gehienez ere 15 – 20 minututan egiten da. Eta ez dio inola ere eragiten jadanik instalatuta dagoen sistemari; zure aparkalekua komunitate baten barruan badago, agintearen bitartez sartzen jarraitu ahal izango duzue bai zuk bai gainerako bizilagunek.

Zenbat irabaziko dut?

Zure aparkalekuaren eta zuk jarri nahi duzun prezioaren araberakoa izango da. Gure lantaldeak aholku eman diezazuke, gure esperientzian oinarrituta, etekin ahalik eta handiena atera ahal izan dezazun; dena dela, zuk erabakiko duzu prezioa, eta edonoiz alda dezakezu.

ElParking-ek komisio-ehuneko bat eskuratzen du erreserbaren preziotik. Merkatuari buruz dugun informazioarekin, beti aurki dezakegu prezio interesgarria, erreserba-eskaria egon dadila eta jabeak etekin handiena lor dezala ahalbidetzeko.

Hil bakoitzaren lehen egunetan transferentzia bidez jasoko duzu aparkalekuaren etekina zuk eman diguzun banku-kontuan.

Asegururik duzue, zer gerta ere? Bizilagunekin arazoak izan ditzaket?

Bai, edozein ezbehar estaltzeko aseguru bat dugu. Gainera, bezeroentzako arretarako zerbitzu bat dugu, eta haren bidez argitzen dugu aparkalekuen erabiltzaileek eta jabeek izan dezaketen edozein zalantza.

ElParking arduratuko da guztiaz; zuk hil bakoitzaren hasieran zure diru-sarrerak itxaron behar dituzu soilik.

Nola jakin dezaket zer erreserba egin diren?

Erabiltzaileak ElParking bitartez zure aparkalekuan lekua erreserbatzen duen bakoitzean, automatikoki jasoko duzu erreserbari buruzko xehetasun eta datu aipagarri guztiak adieraziko dizkizun mezu elektroniko bat: erreserbaren iraupena, erabiltzaileak ordaindutako prezioa, erreserbaren hasiera eta amaiera eguna, eta abar

Erabilgarritasuna, prezioa eta abar nik neuk kudeatzeko tresnarik duzue?

Bezeroentzako arretarako departamentu bat duzu zure esku, eta hark erraz eta arin egingo ditu behar dituzun aldaketa guztiak. Idatzi sharing@elparking.com helbidera, eta lagunduko dizugu.

Edozein aldaketa egiteko, jakinarazi iezaguzu gutxienez 24 ordu lehenago.

Aparkalekua erabiltzen jarraitu dezaket, eta erabiltzen ez dudan orduetan alokatu?

Bai, gure sistema malgua da eta hari esker zure premien arabera konfigura dezakegu zure aparkalekua alokatzeko ordutegia. Gainera, edozein unetan aldatu ahal izango duzu ordutegia, zure beharren arabera, baldin eta ez baduzu epe horretarako itxitako erreserbarik.

Iraunkortasunik du?

Zerbitzuak urtebeteko iraunkortasuna du, baina edozergatik dela ere ezin baduzu jarraitu zerbitzuarekin, zerbitzua desaktibatu ahal izango duzu, ParkingDoor gailuen instalazioak/desinstalazioak dakarkigun kostua ordainduta (60,5 euro).

Komunitateari baimena eskatu behar diot?

Bai, gure zerbitzuaren onurak komunitatearekin partekatzeko beharrezko dokumentazioa eman diezazukegu

Partekatu zure garajeko aparkalekua zu erabiltzen ari ez zarenean

Atera etekina zure garajeari erraz